TRS కు భారీ షాక్ ఇవ్వబోతున్న బడా నేత.. కారు దిగేందుకు ముహూర్తం ఫిక్స్?
దిశ, తాండూరు: టీఆర్ఎస్ పార్టీలో ప్రస్తుతం నామినేటెడ్ పదవిలో ఉన్న యువ నాయకుడు పార్టీ మారేందుకు సిద్ధమైనట్లు సమాచారం. కారు దిగేందుకు ఇప్పటికే ముహూర్తం ఖరారు చేసుకున్నట్లు తెలుస్తోంది. దాదాపు 200 మందితో కాషాయ కండువా కప్పుకునేందుకు ఇప్పటికే ఏర్పాట్లు సైతం పూర్తయినట్లు సమాచారం. నియోజకవర్గ, జిల్లా నాయకులతో కలిసి బుధవారం బీజేపీ రాష్ట్ర నాయకులతో చర్చలు జరిపినట్లు తెలిసింది. బీజేపీలోకి రావాలని పార్టీ నాయకులు ఆహ్వానించినట్లు గుసగుసలు వినిపిస్తున్నాయి. కీలక నేతల హామీ మేరకు బీజేపీలో చేరాలని యువ నాయకుడు నిర్ణయించుకున్నట్లు తెలుస్తోంది. దీంతో త్వరలోనే ఆయన బీజేపీలో అధికారికంగా చేరనున్నట్లు తెలుస్తోంది. కొద్ది కాలంగా టీఆర్ఎస్‌లో తనకు లభించే ప్రాధాన్యత మూలంగానే ఈ నిర్ణయం తీసుకున్నట్లు కార్యకర్తలు చర్చించుకుంటున్నారు. జనాల్లో ఆదరణ ఉన్న బీసీ నాయకుడు బీజేపీలోకి వస్తే పార్టీ మరింత బలపడుతుందని బీజేపీ నాయకులు హర్షం వ్యక్తం చేస్తున్నారు. త్వరలో కారు దిగేందుకు సిద్ధంగా ఉన్నట్లు స్పష్టం అయింది. ఈ యువ నాయకుడితో పాటు పలువురు నాయకులు కూడా తనతో పాటు కమలం గూటికి చేరేందుకు సిద్ధంగా ఉన్నారు. దీంతో టీఆర్ఎస్ పార్టీకి భారీ షాక్ ఇవ్వనున్నారనే చెప్పవచ్చు. దీంతో తాండూరు రాజకీయాల్లో చర్చలు మొదలయాయి.
Also Read : బీజేపీలోకి మాజీ మంత్రి.. కేసీఆర్‌ను ఉక్కిరిబిక్కిరి చేసేలా 'బండి' ప్లాన్?
